मंगलबार १८ आश्विन २०७९

काठमाडौ । चर्चित गीत तिजको लहर आयो बरिलै का रचनाकार चेतन कार्कीको निधन भएको छ । उनी संक्रमित भएर अस्पतालमा भर्ना भएका थिए । उपचारका क्रममा उनको ८३ वर्षको उमेरमा निधन भएको हो । उनी गीतकार तथा चलचित्र निर्देशक पनि थिए ।

संक्रमित भएपछि एक साताअघि छाउनीस्थित सैनिक अस्पतालमा भर्ना भएका उनको आइतवार विहान निधन भएको हो । कार्कीको परिवारसँग सम्पर्कमा रहेका फोटो पत्रकार विकास रौनियारले घटनाको पुष्टि गरेका हुन् ।

‘शनिबार दिउँसोसम्म कार्कीको अवस्था राम्रै रहेको बताइएको थियो। तर बेलुकीदेखि उनको स्वास्थ्यमा समस्या आएको र आइसीयूमा भर्ना गरिएको रौनियारले बताएका छन् । कार्कीको आइतवार विहान साढे १० बजेतिर निधन भएको परिवारले जनाएको छ।

कार्कीको परिवारमा श्रीमती र दुई छोरा छन्। कार्कीको परिवारका अन्य सदस्यहरु आइसोलेसनमा छन्। उनले ‘तिजको लहर आयो बरिलै’ र ‘कलिलो तामालाई सोधे रामालाई’ जस्ता लोकप्रिय गीत रचना गरेका थिए। उनले यीलगायत नेपाली जनजिब्रोमा झुण्डिएका कैयौं गीत रचना गरेका छन् भने चर्चित फिल्महरु निर्देशन गरेका छन्।

४५८ पटक हेरिएको

तपाईको प्रतिक्रिया