बिहिबार २३ बैशाख २०७८

काठमाडौं । तपाईंले आजसम्म एक लिटर पानीका लागि कति रुपैयाँसम्म तिर्नु भएको छ ? धेरै भए १०० रुपैयाँसम्म तिर्नुभएको होला, नत्र नेपालमा सामान्यतया ३० रुपैयाँमा एक बोत्तल पानी पाउँन गाह्रो हुदैन । तर नेपालमा पनि विदेशबाट आएको पानी पिउने व्यक्तिहरु रहेका छन् । जापानलगायत विभिन्न मुलुकबाट केही खास व्यक्तिहरुका लागि विशेष पानी आयात हुने गरेको छ ।

यो बीचमा भारतीय क्रिकेट टीमका कप्तान विराट कोहलीले पिउने पानीको मुल्य कति पर्छ ? आज हामी विश्व क्रिकेटमा अलग पहिचान बनाउन सफल कोहलीको पानीका बारेमा चर्चा गर्न गइरहेका छौँ ।

विराट लामो समयदेखि आईसीसी एकदिवसीय क्रमशः १ नम्बरमा छन् र टेस्ट क्रममा २ नम्बरमा छन् । विराट लगातार ८ बर्षदेखि खेल्दै आएका छन् । यसको पछाडि वास्तविक कारण उनको लोभलाग्दो फिटनेस हो ।

विराट कोहली एक असाधारण खेलाडी हुन्, उनीको असाधारण जीवन शैली पनि रहेको छ । क्रिकेट मैदान पछि, विराट कोहली जिममा आफ्नो अधिक समय बिताउँछन् । उनी विश्वका केही खेलाडी हुन्, जसले लामो समय फिटनेसका लागि खर्च गर्छन ।

विराटको कारण आज विश्व क्रिकेटका धेरै खेलाडीहरू फिटने युक्त भएका छन् । अर्को तिर तपाईं विराटलाई एउटा त्यस्तो खेलाडी मान्न सक्नुहुन्छ जसले विश्व क्रिकेटमा फिटनेसलाई प्रचार गरिरहेका छन् । यसको असर उनको ब्याटिङ्गमा पनि देखिन्छ । ब्याटिङ्गसँगै उनी फिल्डिङ्ग र रनिङ्गमा पनि उत्कृष्ट छन्।

तर विराटले यस्तो उत्कृष्ट फिटनेसको लागि धेरै कुरा त्याग गर्नु परेको छ । केही वर्ष अघि उनले भेगन हुने निर्णय गरेका थिए । भेगनहरू ती व्यक्ति हुन् जसले शाहकारी खानाका साथै दूधबाट बनेका उत्पादनहरू पनि खाँदैनन् । विराटको निर्णयपछि सबैले उनलाई स्टमिना बनाउन सक्नेछैनन् भन्ने अनुमान लगाएका थिए । तर विराट यस भ्रमलाई तोडेर विश्वको सर्वश्रेष्ठ खेलाडी बन्न सफल भएका छन् ।

विराट कोहली फ्रान्सेली कम्पनी इभियनबाट आउने ‘प्राकृतिक वसन्त पानी’ पिउँछन् । १०० प्रतिशत प्राकृतिक त्यो पानी पूर्ण रसायनमुक्त छ । यसको मूल्य प्रति लिटर झण्डै १,००० देखि ५६,००० सम्म हुन्छ । भारतमा १ लिटर बोतलको इभियन पानीको मूल्य रु १,००० पर्दछ । विराट एक दिनमा २ देखि ३ बोतल पानी पिउँछन् । विराट वार्षिक १० लाख ५३ हजार रूपैयाँ भन्दा धेरैको पानी पिउँछन् ।

यो पानी पिउँदा तौल कम हुन्छ । यसको साथसाथै यसले मानसिक तनाव अर्थात डिप्रेसन पनि नियन्त्रण गर्दछ । यो पानी छालाका लागि लाभदायक हुन्छ । थप रूपमा, यसमा रासायनिक गुणहरू जस्तै क्याल्शियम, म्याग्नेशियम, क्लोराइड, पोटेशियम र सोडियम अन्य ब्रान्डको पानीको तुलनामा अधिक अनुपातमा हुन्छ ।

विराट विश्वका धेरै ठूला खेलाडीहरू बीच इभियन पानीको लोकप्रिय ब्रान्ड हो, किनकि यो १०० प्रतिशत प्राकृतिक छ । अमेजनमा इभियनको १ लिटरको बोतल ७२१ रुपैयाँ भन्दा धेरै हुन्छ । यो पानी यूरोपको हिमालबाट निकालिन्छ ।

यसरी नै नेपालको सगरमाथाबाट शतप्रतिशत प्राकृतिक पानी बनाएर बेच्ने हो भने हाम्रो अर्थतन्त्र कहाँ पुग्थ्यो । कसैले सोचेको छ ? हामी पानी बेचेर विश्वको सम्पन्न देश बनाउन सक्ने थियौँ । किनकी युरोपको हिमाल भन्दापनि विश्वको सर्वोच्च शिखर सगरमाथाको महत्व अवश्यपनि धेरै छ । यसबाट आउँने पानीपनि शतप्रतिशत प्राकृतीक अवश्य बनाउँन सकिन्छ ।

१०७ पटक हेरिएको

तपाईको प्रतिक्रिया