समाचार

सवारी चलाउने लाइसेन्सको ट्रायल दिँदा अब नयाँ नियम, पहिले भन्दा सजिलो हुने भयो ट्रायल पास गर्न

सवारी साधनको प्रयोगात्मक मानिने ट्रायल परिक्षामा अहिले कुनै एक पारामिटरमा असफल भए परिक्षार्थी लाइसेन्स पाउनबाट बञ्चित हुने अवस्था छ ।

अब यस्तो परिक्षाको परम्परामाथि पुनरावलोकन हुने भएको छ । ट्रायल फेल भएपनि बिचौलिया मार्फत पैसा दिएर लाइसेन्स निकाल्ने पाइएपछि यस्तो नियममा पुनरावलोकन हुने भएको हो ।

पछिल्लो समय ट्रायलमा फेल हुने धेरै हुन्छन् । तर उनीहरुले पनि पैसा दिएर लाइसेन्स बनाउने गरेको पाइन्छ ।

यस्तै कार्य रोक्न भनेर सरकारले सवारी चालक अनुमतिपत्र लिन मापदण्ड परिवर्तन गर्ने तयारी गरेको छ । यसको तयारी अन्तिम चरणमा रहेको यातायात व्यवस्था विभागले जनाएको छ ।

लाइसेन्सको प्रयोगात्मक परीक्षाको निर्देशिका परिवर्तन गर्न लागिएको विभागका महानिर्देशक गोगनबहादुर हमालले बताए ।

ट्रायलमा पनि विभिन्न प्यारामिटर छन् । सबै पास गरिसकेपछि मात्र लाइसेन्स पाउने सिस्टम छ, कुनै एउटामा छुस्स छुनेबित्तिकै फेल हुने व्यवस्था छ ।

ती विभिन्न प्यारामिटरलाई नम्बरिङ गर्ने र कुनै एउटामा फेल हुँदा अर्कोमा पास हुन समस्या हुने छैन ।

‘नयाँ व्यवस्थाअनुसार सबैको नम्बर जोड्दै जाँदा ६० नम्बर आयो भने ऊ पास हुनेछ,’ उनले भनेको समाचार आजको कान्तिपुरमा प्रकाशित छ ।

Related Articles

Back to top button
Close