समाचार

सियोनाको लागि अभिनेत्री वर्षाले दिइन् ३० हजार, अभियानमा करिष्माको साथ

एउटा सानी बालिकाको जीवन रक्षाको निम्ती सामाजिक संजालमा यतिबेला उनको बचाउ अभियान चलिरहेको छ । नेपालमा उपचार सम्भव नहुने र उपचार गर्न २५ करोडको हाराहारीमा खर्च लाग्ने भएपछि सियोनाको बुवाआमा यतिबेला सहयोग अपिल गरिरहेका छ । जसमा केही नेपाली सेलिब्रेटीहरुले पनि साथ दिएका छन् । तर, थोरै सेलिब्रेटीहरुले मात्र आर्थिक सहयोग गरेका कारण आफ्नो छोरिको जीवन रक्षाको निम्ति सबै सेलिब्रेटिहरुलाई सकेको आर्थिक सहयोग गर्न सियोनाको आमा एलिनाले आग्रह गरेकि छन् ।

यस्तैमा अभिनेत्री वर्षा राउतले पनि सियोनाको जीवन रक्षा गर्दै ३० हजार आर्थिक सहयोग गरेको कुरा परिवार श्रोतले हामिलाई बताएको छ । यसअघि बर्षाले सियोनाको अभियानमा साथ दिदै आफ्नो लाखौ फ्यान भएको सामाजिक संजाल मार्फत सहयोग अपिल समेत गरेकी थिइन् । यस्तै अभिनेत्री करिष्मा मानन्धरले पनि सहयोग गरेको बताएकी छिन् । उनले फेसबुकमा एक स्ट्याटस लेख्दै अभिनेत्री परमिता आरएल रानाले सुरु गरेको अभियान मार्फत सहयोग गरेको लेखेकी छन् ।

हालसम्म अभियानमा वर्षा संगै गायक बुद्ध लामा, हास्यकलाकार कुमार कट्टेल र अभिनेत्री परमिता आरएल राना मात्रै यो अभियानमा आर्थिक रुपले जोडिएका छन् । लामाले १० हजार, कट्टेलले १० हजार आर्थिक रकम सहयोग गरे भने यता परमिताले ईन्स्टाग्राममा अनलाईन स्टोर नै सुरु गरेकी छन् । जहाँ बिक्री भएर आएको रकम सियोनाको उपचारमा खर्च हुनेछ ।

यस्तै, गायिका रचना रिमाल, गायक रामकृष्ण ढकाल, नायक आकाश श्रेष्ठ, नायिकाहरु नन्दिता केसि, पुजा शर्मा, केकि अधिकारी, बेनिशा हमाल, आना शर्मा, मोडल एलिशा राई, गायिका तथा डाक्टर तिर्सला गुरुङ, २०१६ कि मिस नेपाल अस्मि श्रेष्ठ, मोडल तथा टिकटकर रेश्मा घिमिरे, चर्चित क्रीकेट खेलाडी सन्दिप लामिछाने लगायतका सेलिब्रेटिहरुले छोरी सियोनाको लागि हेल्प पोस्ट गरेकोमा सियोनाको बुवा सन्दिपले धन्यवाद दिएका छन् । तर, उनिहरुलाई आर्थिक सहयोगमा पनि अघि बढ्नको लागि सन्दिपले आग्रह गरे ।

हालसम्म देश तथा बिदेशबाट झन्डै ७ करोड नेपाली रुपैयाँ जम्मा भएको जानकारी आएको छ । छोटो समयमा धेरै पैसा संकलन भएको छ तर, सियोनाको उपचारको लागि यो रकम धेरै नै कम हो । त्यसैले अझै सहयोगको जरुरत छ । सियोनलाई जन्मजात वंशानुगत लाग्ने रोग स्पाईनल मुस्कुलर थेरापी-एसएमई-१ (SPINAL MUSCULAR ATROPHY (SME-1) रोग लाग्यो । जुन रोगका कारण बच्चाको अंगहरुले काम नगर्ने, विस्तारै सबै सुक्दै जाने र मृत्युसम्म हुने जस्ता लक्षण देखिन्छ । जस्का कारण यतिबेला मृत्यु जित्न संघर्ष गरिरहेकी सियोनाको जीवन रक्षाको कामना गर्दै देशबिदेशमा रहेका आम नेपाली तथा सेलिब्रेटिहरुले पनि सहयोग गरिरहेका हुन् ।

१३ महिना भएकी सियोनको उपचार २ वर्ष उमेर भित्रमा गरिसक्नुपर्ने छ । तर, जति चाडो गर्यो त्यति राम्रो हुने हस्पिटलले बताएको छ । यो रोगको उपचार नेपालमा सम्भव नभएपछि छोरिका साथमा सन्दिप दम्पती झन्डै डेढ महिनादेखी पोल्यान्डमा छन् । यतिबेला अभियानलाई अझै प्रभावकारी बनाउन फेसबुकमा पब्लिक ग्रुप नै बनेको छ । सियोनालाई सहयोग गर्न अनलाइन, बैंक एकाउन्ट र ए-सेवा एकाउन्ट रहेको छ ।

जहा सहयोगीदाता आफुले चाहेको रकम पठाउन सक्नेछन् । बैंकमा सहयोग रकम पठाउनको लागि सियोन श्रेष्ठ (Siyona Shrestha) नाममा बैंक अफ काठमाडौ (Bank of Kathmandu) को परासी ब्रान्च (Parasi branch) मा एकाउन्ट खोलिएको छ । जस्को एकाउन्ट नम्बर 206500000031524 रहेको छ । यस्तै, ईसेवाबाट आर्थिक सहयोग गर्नको लागि 9816457809 र 9847206466 आईडी प्रयोग गर्दै सियोन बचाउ अभियानमा साथ दिन सक्नुहुनेछ छ भने www.gofoundme.com मार्फत पनि सहयोग रकम पठाउन सकिनेछ । डिथ्री अनलाइन सियोनको जीवन रक्षाको कामना गर्दछ ।

Related Articles

Back to top button
Close