समाचार

उडिरहेको विमानमा महिलालाई अकस्मात् बेथा लागेपछि कसरी गराइयो सुत्केरी ? हेर्नुहोस्…

सुत्केरी गराउने बेला विमानमा कैँची, स्यानिटाइजर र पट्टी मात्र उपलब्ध थियो। आकाशमा जन्मिएको भारतको सम्भवतः यो पहिलो बच्चा हुनुपर्छ।

हुन त बच्चा जन्मिने बेला विमानमा रहेका अरू यात्रीले पनि सघाएका थिए। उनीहरूले महिला र नवजात शिशुका लागि आवश्यक तौलिया, प्याड र डाइपर लगायतका सामान उपलब्ध गराए।

सुत्केरी गराउने क्रममा विमानमा रहेका एकजना प्लास्टिक सर्जनले पनि डा. शैलजालाई सघाए।

बेङ्गलुरुस्थित क्लाउड नाइन अस्पतालमा भ्रूण चिकित्सा विशेषज्ञ रहेकी डा. शैलजाले बीबीसी हिन्दीसित भनिन्, “मलाई अहिले पनि विश्वास भइरहेको छैन कि मैले त्यसरी सुत्केरी गराउन सकेँ।”

दुई दिनअघि दिल्लीबाट बेङ्गलुरु गइरहेको विमानमा उनले एक महिलालाई सुत्केरी गराएकी हुन्।

उनी भन्छिन्, “विमानहरूमा यस्तो विशेष अवस्थाका लागि ‘बेसिक प्रेग्नेन्सी किट’ राख्नुपर्ने हो।”

उडानको क्रममा के भएको थियो?
दिल्लीबाट विमान उडेको आधा घण्टापछि एक चिकित्सक चाहियो भनेर विमानमा घोषणा भयो।

रियादमा प्लास्टिक सर्जनका रूपमा काम गर्दै आएका डा. नागराज सहयोगका अगाडि सरे।

शैलजा वल्लभनेनी
तस्बिर स्रोत,DR SAILAJA VALLABHANENI
डा. शैलजा भन्छिन्, “उनलाई सहयोग चाहिन्छ होला भनेर म विमानको पछाडिबाट उठेर गएँ। साढे सात महिनाकी गर्भवतीलाई सहयोग चाहिएको भनेर चालक दलका सदस्यले मलाई बताए।”

सुरुमा गर्भवती महिलाले पेट दुखिरहेको बताएपछि डा. शैलजाले गर्भ तुहिएको हुनसक्ने आशङ्का गरिन्।

योनिबाट रगत बगिरहेको छ वा छैन भनेर सोध्दा ती महिलाले सुरुमा छैन भनेकी थिइन्।

Related Articles

Back to top button
Close