मंगलबार १२ आश्विन २०७८

काठमाडौ । नेकपा एमालेका वरिष्ठ नेता माधव कुमार नेपाल निकै अप्ठेरोमा परे पछि अब एमालेमै जाने मनस्थितीमा पुगेका छन् । त्यसका लागि आइतवार उनले बानेश्वर स्थित अर्याल होटलमा आफु पक्षका नेताहरुलाई बैठकका लागि बोलाएका छन् । एमाले एकता कायम राख्न दोस्रो पक्षले गरेको पहलका कारण उनी अप्ठेरोमा परेका हुन् ।

देउवा सरकारमा सहभागी हुन आग्रहका लागि माओवादी केन्द्रका अध्यक्ष पुष्पकमल दाहाल प्रचण्डसंग उनले आफु एमालेमै मिल्न जान लागेको बताएका छन् । मन्त्रालय भागबण्डाबारे छलफल गर्न भन्दै आइतवार उनी कोटेश्वर स्थित नेपाल निवास पुगेका थिए । प्रचण्डलाई नेपालले पार्टी मिल्ने स्थिति बनेकाले सरकारमा जाने सम्भावना नरहेको जवाफ दिएका छन् ।

नेता नेपाललाई भेटेर पार्टीको स्थायी कमिटी बैठकमा पुगेका प्रचण्डले त्यहाँ त्यस्तो ब्रिफिङ्ग गरेका हुन् । बैठकमा सहभागी एक नेताका अनुसार प्रचण्डले माधव नेपाल अप्ठेरो अवस्थामा रहेकाले केपी ओलीसंग मिल्ने मनस्थितिमा पुगेको बताएका थिए । नेता नेपालको यस्तो कुराले प्रचण्डले बैठकमा अब फेरी मन्त्रालय भागवण्डाबारे फेरि छलफल गर्नुपर्ने अवस्था बनेको पनि बताएका थिए ।

‘उहाँ (माधव) पार्टीमा अप्ठेरो अवस्थामा हुनुहुन्थ्यो,आफ्नै समूहका नेताहरुले धोका दिएका कारण केपीसँग मिल्नुपर्ने बाध्यता बनेको देखियो । उहाँले एमालेमै जाने टुंगोमा पुगेको बताउनुभयो’, प्रचण्डको भनाइ उद्धृत गर्दै ती नेताले भने । नेता नेपालको भनाईवाट प्रचण्डले आइतवार साँझसम्ममा एकताका पक्षमा ठोस निर्णय आउनसक्ने बताएका छन् ।

१६६ पटक हेरिएको

तपाईको प्रतिक्रिया