आइतबार १९ आषाढ २०७९

काठमाडौँ । ग्याष्ट्रिकपछि आम नेपालीमा बढि देखिने रोग हो, उच्च रक्तचाप, मधुमेह र युरिक एसिड । यि मध्येमा पनि युरिक एसिड शरीरमा खानाबाट आउने प्युरिन ब्रेकडाउन हुँदै गएपछि बन्ने प्रोडक्ट भएकाले सामान्यतः रगतमा घुलेर बसेको हुन्छ । जसले शरीरलाई हानी पुर्‍याउने र विभिन्न समस्या दिने हुन्छ ।

युरिक एसिड भएपछि कतिपय कुरा खानु हुदैँन । तर मानिस जानअन्जानमा ति कुराको सेवन गर्छन् र यो झन् बढेर जान्छ । तसर्थ युरिक एसिड भएको बेला के के नखाने भन्ने बारे जानिराख्नु उपयुक्त हुन्छ :

१. युरिक एसिड बढेको बेला रातो मासु, फल मासु, ठूला जनावरका मासु खानु हुदैँन । , २. यो बेलामा हासको मासु, टर्कीको मासु, मुटु, कलेजो मृगौला र गिदी जस्ता भित्री अङ्गको मासु समेत खानु हुँदैन ।

३. युरिक एसिड बढेको बेला कोल्ड ड्रिंक, कार्बोनेटेड र मधुराकृत पेय खानु हुदैँन । , ४. यो बेलामा गेडागुडी, दाल लगायतको दलहन पर्दाथको सेवनबाट बच्नु पर्दछ ।

५. कुरिलो, फूलकोभी, बन्दा, पालुङ्गो, च्याउ र गोलभेंडा जस्ता सागपात समेत खानु हुदैँन । , ६. गुलिया पेय, मह पानी, सोडापानी पनि युरिक एसिडका लागि राम्रो मानिदैँन ।

७. युरिक एसिड भएको बेलामा तामा, गुन्द्रुक सिन्की पनि खानु हुदैँन । , ८. रक्सि, ब्राण्डी, ह्वीस्की, रम जस्ता अल्कोहोलिक पेय समेत सेवन गर्नु हुदैँन ।

९. जंकफूड तथा बेकरी उत्पादनमा सेचुरेटेड फ्याट धेरै हुन्छ । जसले रगतमा युरिक एसिडको मात्रालाई बढाउँछ युरिक एसिड बढ्ने समस्या आउँछ ।

१०. विशेषगरी झिंगे माछा, ट्यूना, एन्कोभिज प्रजातीका माछा र अन्य समुन्द्री खानाको सेवनबाट बच्नु पर्दछ । एजेन्सीको सहयोगमा

३२० पटक हेरिएको

तपाईको प्रतिक्रिया